ترامادول. | اسم الدواء |
|
|
ترامال- أمادول- تراماكس- كونترامال- ألترادول- تراموندين. | اسماء أخري له |
|
|
| دواعي الاستعمال |
|
|
الجرعة في الكبار: -
50-100 مجم كل 6 ساعات بدون إرتباط بمواعيد الطعام. -
الجرعة اليومية يجب ألا تتعدي 400 مجم يومياً. -
كبار السن فوق 75 عاماً: نفس الجرعة علي ألا تزيد عن 300 مجم في اليوم الواحد. -
الإختلال الشديد في وظائف الكلي: يعطي 50-100 مدم كل 12 ساعة. -
في حالة تليف الكبد: يعطي 50 مجم كل 12 ساعة. الأطفال: لا تتوافر معلومات عن مدي امان استعماله. | كيفية الاستعمال |
|
|
-
دوخة, صداع, دوار, نعاس, إمساك, غثيان, إرتباك, هلوسة, عصبية, رعشة, هرش, طفح جلدي, عسر هضم و إنتفاخ, و زغللة في الرؤية. -
في حالات نادرة قد يسبب: صعوبة في التنفس, خلل بالكبد, تشنجات, متلازمة ستيفن جونسون, قابلية للإنتحار. -
الدواء قد يسبب التعود و يحتاج المريض إلي زيادة الجرعة بشكل مستمر للحصول علي التأثير المطلوب. و هنا لا يجب إيقافه فجأة بل يتم سحبه بالتدريج. -
قد يزيد من إحتمالية حدوث تشنجات للمرضي المعرضين لذلك. -
قد يسبب تثبيط للجهاز العصبي و الجهاز التنفسي. -
يجب الحرص عند قيادة السيارات أو استخدام الآلات. | الآثار الجانبية |
|
|
-
الحساسية للدواء أو مشتقاته أو مشتقات المورفين. -
المرضي الذين يعانون من تعود المورفينات -
في حالات التسمم الدوائي بالكحوليات, المنومات, المورفين, الأدوية المؤثرة علي الحالة النفسية. -
يستخدم بحذر: للمرضي المعرضين للإصابة بالتشنجات, أو هبوط في التنفس, أو من يعاني من زيادة ضغط الجمجمة, أو إصابات بالرأس أو آلام البطن الحادة, أو إختلاف وظائف الكبد أو الكلي. | موانع الاستعمال: |
-
الأمفيتامين قد يزد من حدوث التشنجات. -
السايمتدين قد يطيل من وجود الدواء في الجسم. -
مضادات الإكتئاب المعروفة ب SSRI , مضادات ال MAO , المورفين و مشتقاته: قد تزيد من إحتمالية التشنجات. -
الكيندين قد يزيد من تركيز الدواء في الدم -
الكاربامازبين قد يقلل من التأثير العلاجي للدواء و يزد من التشنجات. -
يجب تجنب الكحوليات لما لها من تأثير مهبط لجهاز العصبي. -
الأعشاب: يجب تجنب الفاليرين, عشبة سان جون, كافا كافا, عشب الكولا. | التفاعلات الدوائية |
|
|
-
الدواء لا يمكن استعماله أثناء الحمل لأنه يسبب مشاكل عديدة للجنين مثل التشنجات, أعراض الإنسحاب أو الوفاة. كذلك لا يجب أن يستعمل أثناء الولادة. -
يوصي بتجنب استعماله أثناء الرضاعة. | الحمل و الرضاعة |
-
أعراضها: هبوط في الجهاز العصبي و التنفسي, إغماء, تشنجات, توقف القلب و الوفاة. -
العلاج: يحقن المريض بالنالوكسون وريد بجرعة 2 مجم. كما يمكن تكرار الجرعة حتي 18 مجم. و يجب الحرص لأنه يمكن أن يزيد من إحتمالية حدوث التشنجات. | الجرعة الزائدة |
قم بأخذ الجرعة المنسية فور تذكرك. و لكن لا تقوم بأخذ الجرعة المنسية إذا كان ميعاد الجرعة التالية قد قرب. في هذه الحالة اترك الجرعة المنسية و خذ الجرعة التالية في موعدها. لا تقوم بمضاعفة الجرعة. | إذا نسيب جرعة |
|
|
احتفظ بالدواء في عبوته الأصلية. احفظه في درجة حرارة الغرفة بعيداً عن الحرارة الزائدة و الرطوبة. لا تخزنه في الحمام. احفظه بعيداً عن متناول الأطفال. |
والله الشباب بتاخدو على طووول والله مش عرفين معنى اللى بيخدو اهم حاجه يبقو فى دنيا تانيه وخلاص سلام
ردحذفكل الشباب بيخدو اي حاجه وخلاص لاكن اهم حاجه انه يشتغل بيه ساعه وبعدين يكسح عظامه ومش مهم المسكنات للمرضي فقط
ردحذفاتقو الله يا شباب
انا زوجى بياخذ السم الهارى دى بقالو 11 سنه ومش قادر يبطل وغير كدة جااو تشنجات فظيعه
ردحذفوعمره لسه 28 سنه ومش قادر يبطل ارجوكو قولولى اعمل ايه وعندة طفلين
وممكن يموت فى اى لحظه مش عارفه اعمل ايه ارجوك قلى على حل
اختي الكريمه
حذفهل لديه الاراده الحقه للاقلاع
ان كان لديه ظلي بجانبه فترات
انسحاب المخدر وهي كالتالي
اذا كانت جرعته 600mg يجب ان
يخفضها في اول يوم الي 400لن يكون هناك الام عضوية
بقدر ماهي نفسيه
بعد ذلك يخفض الجرعه ربع حبه كل يومان حتي يصل
الي ثلث ..هنا ربما تضعف عذيمته وينتكس مضحيا بكل
معانات الأيام السالفه
ارفعي الجرعه من ثلث الي نصف حبة
هنا ستذول الامه الشديده ويشعربنوع من الرضا
دعيه يحافظ علي النصف لعدة ايام يفضل اربع
علي الأكثر هنا يتكيف الجسم مع نصف الحبه تلك
ويصبح راضيا عن تخفيضها
خفضي الجرعه الي ثلث حبه لمدة يومان
ثم ربع حبه لمدة يومان اخريان
ثم الانقطاع
هذه افضل الطرق وتستمر اسبوعان
او ثلاث لاكن بشيء من العقلانيه
فلا يسستطيع ذوجك الاقلاع عنه بعد
كل تلك السنين مرة واحده
حفاظا عليكي وعلي اسرته
من خطر كأبه تودي بما لا
يعلمه الا الله
اعطيه ديبوفيت حقن لالتهاب الأعصاب
وايبروفين مسكن غير ادماني
يتناول ثلاث مرات يوميا
وديكا حقن لتنشيط العضلات المهتكه
وبجانب ذلك اعطيه فلكسوفان لالتهاب
العضلات
كل تلك المسكنات تستعمل في الأيام
الأولي العشر ويقل استعمالها حسب
شعور المريض بالراحه
وللكأبة الادمانيه
اعطه mirtazapine ليحمه من خطر
الانتكاسه
ظلي بجانبه حتي يشعر بمن يقلق
لأجله
يجب ان يشرب الكثير من الماء والعصير
لسحب السموم من الدم في وقت اسرع
دعيه يدخن ولو بشراهه حتي يتخطي
الأسبوع الأول فبعدها ستفقد السيجاره
بريقها وتصبح غير محببه
11سنه فتره كبيره جدا
اظهري له الكثير من العطف والشفقه
كأبن لكي واشغلي وقته بالقرأن
او التلفذيون او الخروج من المنذل
حيث الشواطيء والذحام الذي سيأكل وقته
هذا عن تجربتي الشخصيه وانا الحمد لله
قاربت علي الشفاء وان اليوم هو الثالث عشر
والحمد لله صامد برغم وجود الام خفيفه
عايزين حد يكتب عن اضرارة وكيف يتفدى مثل هذا الدواء او ياخد حاجات مضادة لة مع استعملة تقلل من اخطارة
ردحذفوالله حرام عليكو ياشباب الى بتعملو فى نفسيكم محدش عارف هوا بيعمل ايه اسئل مجرب
ردحذفربنايهدي
ردحذفانا باخد الترامادول من حوالى سنتين بس كنت باخد حبية كل يوم لحد مزود لحد ما وصلو 3 حبات ونص كان بقالى شهرين مزود الكمية لحد 3 ونص وفى يوم وقعت فى البيت وجسمى اتخشب وقلبى وقف وطلعت ريم من فمى لدرجة انى الى البيت افتكرو ان ميت ونقلونى على المستشفى وكنت فى حالة تشنجات بعد قلبى ما اشتغل تانى ومحدش عرف فى المستشفى الى حصل دة من اية وانا مكلتيش كل الى عملو ركبولى 8 محليل وفقت بعديها ورحت كشفت عند دكتور وحكيتلو انى كنت باخد ترامادول وبكميات اد اية الى الى جاللك دة صرع وكتبلى على علاج انتوديين وريا ل جل600 وفضلت 37 يوم ماخدش ولا حاجة وجسمى زاد بس رجعت ختة تانى لانى لما بطلتة كنت فى شد مللى وكنت مكتئب بس مشعارف اعمل اية المشكلة فى الظروف الحياة بقيت صعبة كل حاجة مالهاش طعم انا مشعارف اعمل اية لما بطلتة اكتئبت لما باخدو بكون مبسوط وباعمل اى حاجة بحب وفرح العيب فى الزمن الى خلانا تموت بالبطئ واحنا عارفيين انو هيوتنا بناخدو يارب نجينا واحفظنا من كل هم ومن كل اذى اميييييييييييييييييييييييييين يارب احمد نصار
ردحذفالحمد لله الذي عافاني
ردحذفربنا يتوب علي الجميع منه
الحل والعلاج من هذا الزفت ان يسحب تدريجيا فمن يأخذ 200 مجم يقلل فى الاسبوع الأول 50 مجم الخ ، ثم اذا وصل الى 50 يأخذ يوم ويوم ثم يومين ويومين ثم ثلاثة وثلاثة ثم اسبوع واسبوع ثم يمتنع عنه ، ويذهب الى الطبيب ليكتب له علاج للإكتئاب ، وينشغل بعمل يحبه أو هواية يحبها .
ردحذفيعني اية حرام عليكم يا شباب الي انتو بتعملو ومش حرام علي البلد دي خي الي خالت كل واحد يطلع عين امه وتبهدلو احنا علشان نشتغل بالنهار والليل بسبب لفمة العيش اضربنا بي الترامادول عليا النعمة احنا شعب تعب من حياته وعلي فكرة لو فكرو يقولو للناس تعالو نحارب علشان البلد كله هيقول وانا ادافع عنها ليه اديتني اية ريس حرامي واتحبس ولة اكنو محبوس وطول النهار رغي علي كلام في الهواء علشان كدة كلة اضرب بالترامادول والحشيش يارب الشباب تعيش عيشة كويسة ونبعد عنه
ردحذفدوله وسخه
ردحذفواهل مابتررحمش
يبقي الحل
الغياب عن الوعي
لا لا لا انا لازم اظل قوي
وصحي لأن ال بكسبه دلوقتي
مش حيكفيني لما يجيني
فشل كلوي او كبدي
مشكلتى كنت كاتبها ف بيدج ومحدش ساعدنىونقلتها ليكوا كوبى باست :(
ردحذفياريت تساعدونى :( انا بموووت كل يوم
السلام عليكم ورحمة الله وبركاته
اللى هكتبه ده مفيش جنس مخلوق غيرى يعرفه وأنتوا وياريت تساعدونى بالله عليكوا
المشكلة بتاعتى دى اللى مفيش مخلوق غيرى على وجه الأرض يعرفها
أنا ولد حاليا ف 3 جامعه وبفضل من الله بشتغل مع الجامعه لحد بداية الامتحانات كده وبقعد وبرجع أشتغل تانى بعد الامتحانات وده عشان بحب الشغل. احنا حالتنا ميسورة جدا الحمد لله المشكلة انه فى فتره من الفترة وانا شغال وف زحمة الشغل بدأ بعض زمايلى ف الشغل يعرضوا عليا حبوب منشطه اللى هى “ترامادول أو تامول أو تيدول“ أو القرف ده كله. وانا ف البداية بدأت أرفض وللعلم زمايلى دول زيى ومحترمين جدا جدا ومش ليهم ف اى حاجه غير الزفت ده واصلا ساعتها مش كنت بدخن حتى بس لما بدأت إشوفهم شغالين أكتر منى ومش بيقعدوا حتى يستريحوا وانا بقيت أقل حد فيهم .. فـ فى مره قبلت وأخدت نص قرص “نص حباية يعنى“ ولقيت نفسى لا أرادى بشتغل ونشيط ومش بتعب ومزاجى على طول حلو وبضحك والكلام ده .. بصراحه عجبنى الموضوع وبدأت أخد كل يوم بس اللى كنت بستغربله انى كنت بأخد نص حباية بس وفى ناس كانت بتاخد 3 حبايات و4 حبايات ف المرة الواحده وده عرفته بعدين المهم مره ف مره لحد ما خلاص مش عدت بعرف أمشى من غيرة ووصلت ل انى باخد 4 حبايات ف اليوم على فترات عشان المزاكرة والجامعه وقرفان من نفسى أوووى أووووووى وخسيت جدا فوق ال16 كيلو وساعتها عرفت اللى كانوا بياخدوا 4 حبايات كانوا بياخدوها ليه لأن الحبوب دى مره ف مره نص حباية مش هتعمل حاجه ف هتاخد حباية وبعدها بفترة برده مش هتعمل حاجه فهتزود شويه وهكذا أنا بقالى سنتين باخد الزفت ده ونفسى أبطله وكل ما أحاول بتعب ومش بستحمل وبرجع أخد تانى أنا حكيت ليكوا من الأول خالص عشان ياريت محدش يبقى زيى ويغلط غلطتى من غير تجريح فيا لأن أنا والله فيا اللى مكفينى .. اللى يعرف فيكوا حل ليا بعيد عن المصحات والكلام ده اللى له تجربه مع حد شافوا أو يعرفه يعرفنى أرجوكوا وساعدونى أنا نفسى أكون انسان كويس والله بس الدنيا مش مسعدانى
ياريت تكلمنى على الاميل التالى SMSMPK@YAHOO.COM
ردحذفانا بقالى سنتين باخده بس مزودتش الجرعه عن حبايه إلا ربع وارجع للنص وبعدين للربع مش للحركه والشغل بس علشان اعصابى تهدى حتى لما باجى ماخدوش مابصدعش ولا باتعب بس بحس بملل واليوم مش راضى يعدى بس يمكن من المشاكل بس عارف ان العيب فينا مش الظروف انا عندى 19 سنه ونفسى ابطله مش عارف بس انا باتعصب لما ماخدوش
ردحذفيا جماعه اهم حاجه الاراده 1/ تنوى انك تتخلص منه 2/ تعشم نفسك انك واخد الجرعه وانت بالفعل ما اخدتهاش 3/ تنوى مع نفسك انى النهارده لحد بعد بكره مش هاخد واشوف نفسى وبعد كده اقول مش هاخد الا بعد يومين وهكذا لحد ما يخرج من جسمك مره فى مره لانه بيجرى فى الدم والله الموفق
ردحذف