الطريقة المثاليه لعلاج الترمادول بدون الذهاب الى المراكز العلاجيه

الطريقة المثاليه لعلاج الترمادول بدون الذهاب الى المراكز العلاجيه


التخلص من الترامادول1 

الطريقة المثاليه لعلاج الترمادول بدون الذهاب الى المراكز العلاجيه

علاج إدمان الترامادول

بسم الله الرحمن الرحيم


تم طرح الكثير من المواضيع عن علاج الترامادول ولكن المشكلة كانت تكمن فى ان من يكتبون هذا المقالات العلاجيه لا يعرفون الكثير عن هذا المخدر اللعين وبعد قرائتى لكثير من المواضيع عن علاج الترامادول وجدت انها غير مفيدة تماما ولا تأتى بنتيجة لعلاج الترامادول

فأصبح الكثير لا يوجد نصيحة الا بالتوجة لمراكز الصحة النفسية ومراكز علاج الأدمان من الترامادول وللأسف تكلفتها عاليه جدا ويمكن ان لا تأتى بالنتيجة المطلوبة فى البعد عن الترامادول

اخواتى واحبائى فى الله سوف اذكر اليوم طريقة فعالة لعلاج الترامادول

وبالفعل نجح الكثير فى الأبتعاد عن الترامادول بهذة الطريقة السهله والرائعة وهو برنامج مشابه تماما لبرامج المراكز العلاجيه باهظة الثمن

مشكلة الترامادول من المشاكل التى تواجه الكثير من الشباب حيث انه يضاهى مخدر الافيون ولكن سعره اقل لذا سوف نطرح الموضوع بجدية وطريقة علاجه دون اللجوء الى المصحة حيث يرى الكثير انه شئ مخجل

سوف نشرح لك فى البداية كيف ادمنت الترامادول وكيف تمكن هذا العقار من التحكم فى جسدك وعقلك وتفكيرك

الطريقة المثاليه لعلاج الترمادول بدون الذهاب الى المراكز العلاجيه

فى البدايه خدعوك الاصدقاء وقالو هذا ترامادول ولن يتجرأو بقول كلمة برشام

فى البداية يبدأ الموضوع بجرعة صغيرة عند الذهاب فى يوم شاق او سفر او يوم عمل شاق ثم تقول داخل نفسك انه شىء مؤقت

كمثال جرعة صغيرة 50 مجم تعمل على تخدير الجسد فقط ممايجعلك تشعر ببعض النشاط ولكنه نشاط زائف لان هذا العقار يخدر الجسد فتصبح لا تشعر بالتعب وليس نشاط كما تعتقد ثم تتكرر وتزيد جرعة الترامادول شىء فشىء

ثم تبدأ فى الاقتناع بشخصك الزائف فى وجود هذا العقار وتقول فى قرارة نفسك انك مع الترامادول تتكلم بطريقة افضل وتكون انشط واكاذيب كثيرة تخدع نفسك بها

ندخل الان فى صلب الموضوع

يعمل مخدر الترامادول على هدوء ارتخاء الاعصاب والعضلات وهذا يجعل الجسم ضعيفا يوما بعد يوم لذا فهى خدعة وكمان ياريت الاحساس الزائف ده هيستمر لان بعد فترة من الاستمرار والتمادى فى هذا العقار جسمك هيتعود عليه والدم هيعتبره حاجة عادية مش مادة جديدة عليه عشان يتاثر بيها وعشان كده حتى احساس القوة المزيف مش هيستمر بالعربى كده انك بعد فترة من التعود اذا لم تتناول هذا العقار هتتعب واذا تناولته ستكون طبيعى وعادى ولن تجد حتى القوة المزيفة بذمتكم تبقى خدعة ولا لأ

الضرر الأكبر


معظم متناولى عقار الترامادول مدخنين وهذه مشكلة كبيرة وخطيرة حيث ان العقار يزيد قدرة أى شخص على التدخين ويجعل طعم الدخان مستساغ يعنى اللى بيدخن علبة سجاير واحدة بسبب الترامادول هيدخن علبتين مما يجعله عرضة لمرض سرطان الرئة بنسبة 90 فى ال100

والان هذة هى افضل طريقة لعلاج الترامادول وقد حققت نتائج بالفعل

لابد ان يكون المريض لديه العزيمة والرغبة القوية ان يترك هذا الشئ ولا يعود اليه مرة اخرى بمعنى ان يرفض ان يكون عبدا لشئ حقير لذا ينقسم العلاج لشقين شق الألم العضوى وسوف نشرح طريقة علاجه وشق العلاج النفسى وده يتوقف على المريض و برضوا هنشرح

اولا
الشق العضوى او التعب الجسدى اثناء علاج الترامادول


الطريقة المثاليه لعلاج الترمادول بدون الذهاب الى المراكز العلاجيه

عندما يبدأ المريض فى الاقلاع عن هذا العقار يشعر بألم شديد فى جميع اعصاب الجسم والعظام ولكى يبدأ المريض العلاج لابد وان يعرف المريض سبب هذا الألم
السبب هو انه اثناء فترة الاستمرار فى تناول الترامادول يقوم المريض بأعمال لايتحملها الجسد فى الوضع العادى وليس المقصود بهذه الأعمال الشاقة المجهود العضلى المتواصل فحسب فقط فمثلا الشخص العادى عندما يجلس على كرسى بوضع خاطئ بعد فترة بسيطة سوف يشعر بألم وتلقائيا سوف يغير من وضع جلوسه أما الشخص المريض فلن يغير من وضع جلوسه الا بعد فترة كبيرة جدا لان جسده متأثر بالمسكن و بالتالى يصاب بالتهاب شديد فى الأعصاب مما يسبب الألم الشديد عند الاقلاع


الخطوة الاولى

التدرج فى التقليل من الترامادول شىء فشىء

الان انت تتعاطى 300مجم يوميا يخصم منها 50مجم كل يومين حتى يصل الى 50 أو100 حسبما يسطيع وياريت بلاش دلع وتسويف
الخطوة الثانية

بعد الوصول ل 50 مجم او 100 مجم يوميا

لا تتناول العقار اللعين مرة اخرى واستخدم حقن لتقوية الاعصاء مثل

ديبوفت او نيورتين

وهذة الحقن تقوم بأزاله الالم الناتج عن الاقلاع وهذا العلاج غير مضر وهو لعلاج التهاب الاعصاب ويحتوى على الكثير من الفيتامينات وأيضا

ثانيا

يجب استخدام مقويات فعالة مثل

بيو سترونج يحتوى على غذاء ملكات النحل ونبات الجنسج وزيت جنين القمح وينصح أيضا باستخدام حقن ديكا درابولين والتى تعمل على اعادة بناء العضلات كل هذا فى اطار غذائى متكامل

اكل العسل النحل يوميا

التركيز على الاكلات القوية الكوارع لأنها تحتوى على المادة التى توجد بين المفاصل فى جسم الأنسان

او الاسماك وجميع المأكولات البحريه لتعويض النقص الواضح فى نشاط وقوة الجسم

وبعد ذلك سوف ينتهى الألم العضوى تماما ويتبقى العامل النفسى فقط


ثانيا الشق النفسى

علاج الترامادول الطريقة المثاليه لعلاج الترمادول بدون الذهاب الى المراكز العلاجيه

لابد من وجود شئ يشغل ويملأ معظم وقت المريض حتى بعد الانتهاء من العلاج العضوى وقطع علاقاته مع أصدقاء السوء خاصة الذين مازالوا يتعاطون الترامادول

الأبتعاد تماما عن العصبية او الاماكن التى يوجد بها اى نوع من المشاكل

وبكدا نكون تخلصنا من الترامادول الذى يتسبب فى فشل وفساد الكثير من الشباب

واسأل الله ان يعافيكم جميعا

هناك 50 تعليقًا:

  1. بارك الله فيك وجعل اعمالك خالصة لوجهه الله , شكرا لك من الاعماق , انا من ضمن اللي ادمنوا الترامدول بسبب
    النشاط والحيوية وهو في الحقيقة قتل النفس البشرية

    ردحذف
  2. اطراء مشكور اخى يمكنك ايضا اضافة موضوع فى التعليق وانا برفعه موضوع ان شاء الله

    ردحذف
  3. انا كنت باخد نص حباية (100) بعد كدة طبعا مبقتش تأثر فا زودت و زوت و زوت تانى و وصلت انى بقالى سنة و بقيت باخد حبايتين فى اليوم :((
    بس استحقرت نفسى اوى انى ابقى عبد للحاجة و مجرد انة يخلص من عندى مقدرش انام او اعمل اي حاجة من غييرة قولت لا لازم ابطل ابتديت انقص من نفسى كل يوم نص حباية لغاية ما وقفت خالص
    و هاتصدقونى لو قولتلكم انى بقالى تلات ايام بس مبطلة بس حاسس انى انسان تانى خالص حاسس انى بقيت زى الاول
    الى مضايقنى بس و نفسى الاقسلة حل او اعرف هايقف امتى هو انى كل اما احرك عينى احس بكرباء فى جسمى بس دا الى بحس بية هل ليها علاج او هاتقف لوحدها ؟؟
    و بعد قد اية ؟؟ ارجو الرد ..

    ردحذف
    الردود
    1. اخى العزيز فى حقن اسمها ليوميتاسين مضاده للالتهابات ومسكنه للالام الحاده فى المفاصل والعضلات, انا اخصائى علاج طبيعى وبكتبها للاعبين عند الاصابه , وجربتها وانا ببطل ,احب اقولك انى اخدت حقنه اول يوم وحقنه فى اليوم الرابع , خففت عليا كتيير من اعراض الانسحاب والالام الناتجه عن سحب الترامادول من الجسم.... ادعو الله ان يثبتك ولاترجع لحياة الاموات مره اخرى........

      حذف
  4. طيب بالنسبه لالام المعده الناتجه عن التعاطى زى مثلا الاسهال وكمان المغص وقرحة المعده ايه انسب علاج المفروض الواحد ياخده اثناء فترة الاقلاع ؟

    ردحذف
  5. انا حاليا ببطل بس انا مشكلتى انى وصلت الى 550مجم فى اليوم وده طبعا رقم لا احسد عليه وانا فى سن 25 سنه وبتعاطى من حوالى سنتين ودلوقتى انا بسستحقر نفسى جدا بس مشكلتى انى اول ما فكرت ابطل بطلت مره واحده وده اكبر خطاء انا اتعلمت منك انى ابطل بالتدريج لانى كنت قربت اضعف وارجع تانى بس الحمد لله ان العزيمه موجوده والاحسن من كده حكتين 1/الاقتراب من ربنا 2/ممارسة الرياضه على اد ما تقدر وانت احسن دكتور قرات ليه انت طمنتنى وخلتنى متفائل لانى اعيش فى منطقه شعبيه ومعندناش دكاتره فى هذا المجال ....ربنا يوفقك يارب دعوه من قلبى

    ردحذف
  6. مساء الخير
    ادعو الله ان تصلك الرسالة وانت بأحسن حال
    انا من 5 سنوت تعرفت علي صديق وكان يعطينى السم الاحمر وبدأت أخذ حت وصلت اني أخذ 5 حبت يومين 1000 جرم وكنت اخذ واقول انا مش مدمن بس حسيت انى وزني قل وما احب الاكل ابدا وبعد فتره قلت ال 1000 في 800 فى 400 والان انا ممكن أخذ 200 او 300 بس من يومين بس اخذت نصف حبة 100 جرم واليوم كمان 100جرم هل انا صح ام خطا بس. الكسل موجود. ونفسي امتناع للابدا

    ردحذف
  7. صباح اخير
    أنا حاولت أبطل كتير ووصلت اني قعدت شهر كامل مبطل والتعب الجسمي راح بس برده لسه حاسس ان تعاملي مع الناس مش مظبوط . حاسس ان مخي مبيبقاش معايا خالص وعدم تركيز وصداع أحيانا ونظري ضعف ( كل الأعراض دي بعد شهر من تبطيله ) . انا بقالي 3 سنين باخده بس آخري في اليوم 200 جم عمري ماكترت عن كده في ال 3 سنين
    أعمل ايه ؟؟؟ وهل الأعراض دي هتروح مع الوقت ولا ايه ؟
    ارجوك حد يرد عليا

    ردحذف
    الردود
    1. السلام عليكم ورحمة الله
      انا احمد سكرتير الدكتوور محمد حسين بحر وعايز اقول لحضرتك ان الموضوع بسيط جدا وبالمناسبه دى مش تقليل من حجم الازمه لا بس انا بشوف حالات كتيره وبتوصل لعشرة حبوب واكثر وبيرجعو احسن من الاول المهم القرار على فكره الدكتور محمد بيعمل جلسات لعلاج الادمان عن طريق النت بدون اجر او معرفة الشخص نفسه ربنا يشفينا ويعفينا كلنا امين

      حذف
  8. ان شاء الله هتروح الاعراض دى يااخى ...............

    انا كنت زيك كدا لحد موصلت لحالة توهان تتكلم مع اى شخص تتوه منة تحس ان دماغك تايهة مش معاك وقلة التركيز . ولو مبطلتطش الزفت دا هتوصل معاك الحالة للجنون . لكن لو بطلت وبيحصلك كدا احمد ربنا ان دا مؤقت من اعراض الانسحاب لما جسمك ينضف من السم دا هترجع طبيعى كنت زيك كدا وبطلتو بقالى شهرين دلوقتى وبطلتو لما كنت هموت بسببة ونقلونى المستشفى . انا فعلا معرفتش ابطلو بسهولة كل مرة ابطل يوم وارجعلة لحد مأصريت وبطلتة بعد محسيت انة بجد مش كويس جدااااااااااااااا
    بصراحة اول اسبوعين بيبقو صعب شوية انا بقى شربت خمرة اول اسبوعين عشان الوجع بتاع الظهر وعشان دماغى وعشان اعرف انام لمدة اسبوعين معكن بكرة الخمور .بس انا عملت كدا والحمد لله بقالى فترة كبيرة دلوقتى مبطل السم دا وبكرة اعدى من الصيدلية الى بجيب منها السم او اعرف صاحبى الى عرفنى علية بجد بشمئز من اى حد عرفنى او ساعدنى انى اجيب ترامادول

    ردحذف
  9. عزيزي صاحب المدونة
    جعل الله لك هذا في ميزان حسناتك و جزاك الله خيراً

    ردحذف
  10. اناباخد ترامادول بقالي 5 سنين ووصلت لنص شريط 225 وان شاءالله هتجوز كمان شهر ونص فارجوك قولي هل بعدان شاء الله مابطل هياثر ع الجنس وان الانتصاب هيبقي ضعيف ارجوك رد ع ولا ان شاءالله هرجع جنسيا طبيعي والانتصاب والعلاقه الجنسيه هتبقي ان شاءالله طبيعيه ارجوك رد ع ضروري طمني بعد ان شاءالله مابطل وجوازي كمان شهر ونص هكون كويس ولالاقدرالله هياثر ارجوك رد عليا بالتفصيل ضروري

    ردحذف
  11. اناباخد ترامادول بقالي 5 سنين ووصلت لنص شريط 225 وان شاءالله هتجوز كمان شهر ونص فارجوك قولي هل بعدان شاء الله مابطل هياثر ع الجنس وان الانتصاب هيبقي ضعيف ارجوك رد ع ولا ان شاءالله هرجع جنسيا طبيعي والانتصاب والعلاقه الجنسيه هتبقي ان شاءالله طبيعيه ارجوك رد ع ضروري طمني بعد ان شاءالله مابطل وجوازي كمان شهر ونص هكون كويس ولالاقدرالله هياثر ارجوك رد عليا بالتفصيل ضروري

    ردحذف
  12. انا مريض سرطان ضليت اخد حقن ترامادول 100 لمدة سنة لكن الان زدت الجرعة الى 300 باليوم انا لا أحب الترامادول لانه يفقدني الشهية و لكن احتاج اليه لتسكين الم الرجلين و العمود الفقري و المغص و لا أستطيع اخذ مسكنات أخرى مثل الباراسيتامول عن طريق الفم او حقن الديكلون لأنها تضر بالكلاوي هل أعتبر مدمن؟

    ردحذف
  13. اني صغير في سني وعمري 16سنه وانا كانت بتعاطى الترامادول بكميات كبيرة تصل 2000mg ولكن في يوم صارت معي حالة قدام اسرتي صارت في رعشة قوية جدا وتشنجت في مكاني وفمي يطلع في رغوة غير معروفة لولا دعاء امي عليا لكنت مات في داك اليوم وبعد ماطلعت من المستشفى عهدت نفسي اني نبطله نهائي اول تلات ايام حسيت روحي عندي نية اخد الحبة ولكن صبرت الى رابع يوم رجعت بني ادم عادي والفضل لله ولدعوات والدي

    ردحذف
  14. كل الكلام ده كويس و ربنا يجزيك عنا كل خير...
    البدايه معايه صيف 1999 كنت بشرب كودفينA لو تعرفو و من سعتها ما بطلتش كميا خالص لحد الان حاولت كل حاجه تتخيلها مركز طبى رحت و فشلت دخول المستشفى و انا با موت برضو منفعش انا اديلى 13 سنه9 بشرب كميا بجد مش عارف اعمل ايه مش لقى اى طريقه ..
    انتا عارف انا اتعملت مع الكميا انها حزء من حياتى زى ولادى ليها مصروف للعلم انا متجوز و عندى بنت و ولاد صغيرين جدا لكن مش بشرب دخان بأنواعه خالص
    لكن انتا عارف انا من حبى فى الكميا اشتغلت سنه فى صيدليه مع دكتور بخرج كميا عادى لكن مقلتلوش انى بشرب لكن اتعلمت منو بعض التركيبات البتتعمل فى الدواء من ضمنهم التامدول و كل الانواع حسب التركيبه لكن بنسب على شان متعملش اوفر دوس بعد كده بقيت اعملها و من سعتها سمونى الدكتور او DR. TONY هل عندك حل للمشكله دى مشكله اسمها كميــــــــــــا
    اخوك DR.TONY

    ردحذف
  15. انا مبطل من ثلاث ايام ادعولي اكمل عسان انا من عشر سنين وانا بتعاطه بس انا قررت اني ابطل هذا السم

    ردحذف
  16. وصلت الي 3حبايات 700مج و اقلعت عنه اكثر من مره قبل ان تصل الجرعه الي 350مج اما بعد ان وصلت الي 3حبايات اصبحت صعبه جدا
    ومع انني رياضي كمال اجسام ادمنته لعشقي للمذذ بنات الليل والجواز العرفي
    ومنذ 6شهور كرهت النساء كراهية عظيمه والبشر ايضا لا اكلم احد لا اخاطب احد لا اكلم احد بالهاتف وان سمعت خبر مذعج من شخص ما اقطع صلتي به او اكسر شريحة الهاتف واشتري غيرها
    حتي صارت حياتي جحيما حتي حذرني اصدقائي بأنك لست من نعرفه
    فاعتذلوني وتحاشوا لقائي وسعدت بهذا رافضا لقب مدمن
    فقررت منذ اسبوع الصمود واحتملت الاما قاتله لمده اسبوع
    رافضا تعاطي مخدرات بديله كالحشيش فقد جربته من قبل ولم يفلح في تسكيني لاختلاف الخواص التأثيريه لكلا منهما
    ووصلت لثلث حبه اليوم وباقي يومان واتحرر منه ليعتقني للأبد
    احذر بنات الليل والنساء اللعوبات اللاتي يعشقن غرفة النوم
    فقد اضعت اهم 5سنوات عمري واموال طائله علي اسرة بنات الليل
    وعربيات واجنبيات
    اتوق الي الأصدقاء والأسره التي فقدتهم وفقدوني اعوام طوال

    ردحذف
  17. علاء الدين
    لازم اول شئ الابتعاد عن شله الخراب 2 - التقرب الى الله عز وجل في كل شئ
    3 - التاكد من كل دواء يعطى اليك قبل استعماله

    ردحذف
  18. السلام عليكم
    انا اكتر واحد في الدنيا كنت مسيطر على تعاطي الترامادول او ده الي كنت فاكره بس سدقوني بمجرد ما رجلك تدخل في سكةاكتر من نص حبه... خلااااص انت كده بدات ،حتضحك على نفسك وتقول ما ادمنتش لفتره طويله ممكن توصل سنه بس مع الوقت حتدمنو حتدمنو...انا متزوج وعايش في بلد خليجي وبيوصل تمن شريط الفراوله حوالي 550 جنيه مصري ومع ذلك بجيبو..انا وصلا لحبتين ونص احمر ولما شفت اني ادمنتو فعلا قررت ابطل..انهارضه اول يوم ابطل فيه..نزلت جريت وشربت لبن كتير واستحميت وده خفف من الوجع شويه ولسه ادامي ايام في مصارعة الادمان ومشوار التبطيل بس انشاءالله ربنا يكرمني واكمل وعايز اي حد يقرى الكلام ده مايقولش لنفسو ...انا اكتر واحد في العالم مسيطر على الترامادول ..لانو حيدمنو وحيندم
    شكرا

    ردحذف
  19. انا الصدفه البحته هى اللى خلتنى ابطل ودة من حظى الحلو لانى ضميرى كان بيوجعنى عشان باخد الهباب دة ... الحكايه انى جالى فرصه عمل في دولة عربيه وفاجاة استقلت من شغلى وحجزت الطيارة وكل دى في اقل من 10 ايام انا كنت باخد من 2 الى 3 حبات في اليوم 225 ملل وطبعا مكنش فيه الهباب دى تعبت اول 4 ايام وصدقونى اسوء 4 ايام في حياتى حسيت انى بكفر عن ذنوبى وانى ببتدى حياة جديدة في كل حاجه انا بقالى 10 ايام بس وجع المفاصل والضهر بيزيد يوم عن التانى والعطس مستمر والمغص والاسهال مش عايز يروح ..... يا ريت حد يقولى على أي دواء ....بس والله حاسس براحه نفسيه وسعادة برغم الغربه وتعب الشغل بس اهون من وجع الضمير

    ردحذف
  20. أنا بقي قصتي قصة لوحديها أنا ملتحي والناس مبتقوليش غير ياشيخ الشيخ راح الشيخ جه كنت باخد نص حبه بعدين وصلت لثلاث حبات وبطلت صلاه وبطلت كل حاجة تقربني لربنا بجد زهقت وتعبت حسبي الله ونعم الوكيل في كل الي بيساهم في دخول هذا السم بلدنا مصر ربنا ينتقم منه ويجعل مكسبه وبال عليه وعلي إسرته وعلي أولادة المهم إدعولي أبطل السم ده وأرجع أحمد الطبيعي تاني

    ردحذف
  21. انا حكايتي هي الاغرب لاني بحكم عملي كصيدلي المفروض اكون عارف وفاهم الهباب ده بيعمل ايه بس طبعا عملا بمقولة طباخ السم بيدوقه وكنوع من الفضول اني اعرف ايه هي دماغه بدات الحكايه بكبسوله 50 مجم ووصلت ل 12 قرص 225 في بعض الاحيان ...لك ان تتخيا مدي تاثير هذا الشيئ عليك ممكن تنسي اي حاجه ف الدنيا الا شريط الترامادول ..سواء خارج ساعه وجاي او مسافر مشوار بعيد اكتر حاجه بتامن عليها هو الشريط ....شفت قذاره اكتر من كده لا وبتتحول لعبد ليه فعلا لو مش موجود انت مش موجود ده بجانب ان الاستعمال لفتره كبيره بيغير من صفاتك ومن اجتماعياتك وغيره وغيره ف ببساطه لما تيجي تبطل متقولش هيحصلي تعب واكتئاب ووووو ..معلش استحمل التعب ده مش هيدوم بس انت هتشتري نفسك بالتعب ده اعتبره صفقه يا اخي واهم حاجه الاستعانه بالله بجد كل ما تقرب من ربنا اكتر كل ما العمليه هتهون اكتر وربنا يعفو عنا جميعا

    ردحذف
  22. انا مشكلتي اكبر واكبر واكبر لاني بنت اتعاطى الترامادول منذ تلات سنوات حسبنا الله ونعم الوكيل ع الي كان سبب معرفتي فيه وانا من بلد محافظه جدا لا اقدر اروح لاي مركز ولا حتى اطلع من البيت ارجووووووووكم ساعدوني في العلاج انا بدات بنص حبه ثم حبه والان صرلي سنه اخد حبيتن في اليوم وما اكتر وقررت ابطله صرت اخد حبه بقالي يومين احس بتعب جسدي ارجووووكم ما العلاج البيتي دون ادويه هل من مشروبات بديله للادويه او اعشاب مسكنه ارجووووكم ساعدوني

    ردحذف
    الردود
    1. جنزبيل على حليب مغلي

      حذف
  23. انا اب لطفلين عمري 33سنة مشكلتي إني مأجر صيدلية عندي وطبعا كل انواع الكيميا متاحة بدأت اخد ترامادول من ست سنين طبعا بدأت بحباية 50 ووصلت لست حبات 225يوميا حاولت ابطله كتير ماقدرتش اواصل من قسوة التعب والالم النفسي والعضوي طبعا حياتي كلها إتغيرت للاسوأ حتي نظرات الناس إتغيرت وطبعا لامرتب ولا غيره هأينفع لانك محتاج علي اقل تقدير شريط ونض كل يومين لكن خلاص عزمت الهمة ووضعت مقولة كبيرة اوي قدام عنيا وهي إما ان اتحكم في نفسي واقودها او اظل حيوان وهي إللي تنحكم فيا وااليلة دي بدأت خلاص وبدون مركز او غبره لاني هستعين بالله ونصيحة للأخت يلا نبطل وناخد بإيد بعض لاني عزمت وتوكلت علي الله وربنا يقويني انا بأكتب وجسمي بيتنفض من التعب والالم وجسمي كله بيرتعش لكن ربنا يقدرني اسبوع او حتي إتنين وربنا معايا .إلي الاخت الفاضلة هاتي دوا شراب إسمه اوسببكت هيساعد مع برفين 600 وفولتارين ونيورتون وربنا يقوينا ويخرجنا منه علي خير

    ردحذف
    الردود
    1. خالد انا زيكم وانا ام عمري٣٠ وباخز ٤ حبات ممكن تعرفني اخد الادويه ديه ازي وكل اد ايه ارجوك سعدني

      حذف
  24. إدعولي يا إخواني إن ربنا يقدرني عليه

    ردحذف
  25. انا نفسي ابطل الزفت دة

    ردحذف
    الردود
    1. انا بقالي 7 سنين باخد الزفت لحد مبقي زيه زي السجاير والاكل بصو انا مش هتقل عليكو بس بجد ده شيء لعين انا بطلتو بقالي شهر وبقيت انسان مش واحد لازم كل يوم يشحن نفسه عشان يقدر يمشي ربنا يعافيكو بجد والله اقسم قسم احاسب عليه قدام ربنا بيعمل والله خلل في الاعصاب انا لو مكنتش خدتو في يوم كنت بتجنن بس استعنت بالله وعرفت اني طول منا باخدو زيي زي الألة لازم تتشحن عشان تشتغل بس وعلي شرط بدات بربع حبايه وختمت بشريط كل يوم تخيل اخي والله علي قد ما هتبقي صعب علينا نبطلو بس منبقاش ........ اخوكم ابو حبيبه

      حذف
  26. بسم الله الرحمن الرحيم
    انا وصلت يادكتور لدرجه شريط فى اليوم وباخد قرار احيانا انى ابطل
    وفعلا ببطل يوم وبعد كده برجعله تانى
    ونفسى بجدابطل لانه تعبنى وعملى مشاكل كتيرة فى عيلتى

    ردحذف
  27. بسم الله الرحمن الرحيم
    على فكرة يا جماعة الامتناع عن تعاطى الترمادول سهل جدا اسهل من الامتناع عن السجاير انا باخدة من حوالى 7 سنوات او اكتر وكل سنة فى رمضان مش باخد خالص بس هو المشكلة فى عدم الرجوع الية لانى مش لانى لما بمتنع الشهر بيكون عندى شغف اوى ان الشهر الكريم يخلص عشان ارجع لية واللى مش عارف يمتنع عنة يكلمنى على الاميل دة وان شاء الله هقولة على مجموعة طرق تخلية يمتنع عنة smsmpk@yahoo.com

    ردحذف
    الردود
    1. امتى بيخرج الزفت دة انا بقلى 24 يوم مبطل بس عندى حركة لاايردية عيز اعرف امتى حتمشى من عندى

      حذف
  28. انا جوزي مدمن الزفت ده ومخلي حياتي جحيم منهم لله اصحاب السوء وهو دلوقتي قاعد من الشغل والحمل كله عليا وعندنا اربع ولاد وكل ماافكر اسيبه افكر في ولادي اعمل ايه عشان اخليه يبطل .....ساعدوني

    ردحذف
  29. المهم هو يكون عندة نية وعزيمة انة يبطل وعلى فكرة تبطيلة سهل بس هو العزيمة وانة يشغل نفسة باى شىء ولو عندة نية يكلمنى على الاميل دة SMSMPK@YAHOO.COM وانا هحاول اسعدة ان شاء الله

    ردحذف
  30. انا باخد الزفت ده من3 سنين . من خمس ايام كان عيد ميلاد بنتي الصغيره 1 سنه .قررت انه مش هاخد تاني . تعبت اول 48 ساعه بس حورت علي مراتي في البيت اني عيان .. وبقالي اهو 5 ايام مبطل . بقيت بصحي بدري اروح الشغل كل يوم .مع اني كنت بتاخر كل يوم . مبقتش نايم علي طول علي نفسي . بقيت مركز . انا بشرب حشيش . حاسس ان الحشيش احسن من غيره. من الاخر انا حياتي انتظمت واتظبطت . من يوم ما بطلت الزفت ده . اقسم بالله في سلام نفسي رهيب . نفسي كل الناس تجربه . انا بقالي 5 ايام بس .

    ردحذف
  31. السلام عليكم.. جزاك الله خيرا فيما كتبت
    بس انا عندي سؤال وقبل السؤال عاوز اوضح اني ادمنت ع هذا السم لنحو 2 بايت بنصف حبه انتهيت منه بحبتين، الحمدلله انا تركته، لكن المشكله ان سلوكي و تفكيري تغير من ناحيه عدم فهم الناس، وعشان سافرت لبلد اجنبيا استيعاب م يقوله اهل البلد صعب وبدا ويوترني، انا تارك السم عامل حوالي سنه، و لكن اذا احترت او توترا جسمي و جلدي يحمر و يحكني، احس ان نبضات قلبي سريعه، كل شهر بمرض تقريبا بمرض بزياده او نقصان بالحرارة، انا الان متواجد ف بريطانيا فياليت تديني وصفه لها دواء شبيه ف بريطانيا، اسال الله السلامه والعافيه

    ردحذف
  32. انا بقي مهندس بقالي 13 سنه باخد السم ده بعتبره جزء لا يتجزأ من حياتي مبتحركش غير بيه حتي لما سافرت دوله عربيه اخدته معايا مشكلتي معاه وجع بطني الم فظيع لا يحتمل واعراض نزلات البرد لما بحاول ابطل بس لازم ابطله وحاليا بقلل في الجرعه عارفين انا مشكلتي مش في الجرعه انا مشكلتي فيه هو نفسه اني لازم اخد حتي لو ربع حبايه بس المهم يبقي في دماغي ان جسمي اخده النهارده مشكله نفسيه اكتر منها جسديه نصيحه اللي مبياخدوش اياك ان تفكر انك تجربه واللي بياخده يحاول يبطله وربنا يساعدنا يااخوتي

    ردحذف
  33. انا باخدة بقالي 5 سنين وكل ما اجي ابطلة بضغف وبتعب جدا جدا يا ريت طريقة اعرف ابطلة بيها

    ردحذف
  34. بسم الله الرحمن الرحيم.
    حسى الله ونعم الوكيل فى اصدقك اسوء بدا الموضوع بعد الانتهاء من الدرسه كانت السجاره تحت رجلى عمرى فى يوم من الايام انى اوصل لكده انا عيز ابطل الترمادول عشان انا كل يوم بخر حاجه مهمه فى حياتيى انا شغل مندوب فى شركه ادويه وكانت بسفر كتير كان الموضع بسيط فى الاول لان الانت وصلت الى ثلاثه اقرص فى اليوم +زولام يارب
    ابطل انا متزوج وعندى طفله كل مشوف نفسى مشى فى الطريق اقول يارب نجنى من الاهلاك نفسى فى
    حاجه ابطل

    ردحذف
  35. السلام عليكم ..ياريت تقدروا تساعدوني ...اخويا مدمن لعقار الترامادول وكلمته كتير ونصحته إنه يبطل لكن بدون فايدة ...حول حياتنا لجحيم ومش قابل اى نصيحة ومعندوش أى نية إنه يبطل ....ياترى الحل إننا نوديه مصحة غصب عنه ولا نعمل إيه

    ردحذف
  36. يارب يتوب على اى واحد بياخد السم ده ويديله العزيمه والقوه انه يبعد عنه ومعدش يرجعله تانى وربنا يجعل الموضوع المكتوب دهفى ميزان حسنات صاحبه

    ردحذف
  37. حبوب الترامودول تسمى بلموت البطيء جدن خطره

    ردحذف
  38. ياشباب الموضوع جداً بسيط يبغالو عزيمه قويه جدا وتستخدم اسبرين او سولبادين انا جربته نفعت معايا الله هم لك الحمد والشكر رغم اني مدمن للترامادول لاكثر من 6سنوات فلبدايه تعب لمده 8ايام علا حسب الشخص المتعاطي ولا انصح بلذهاب الي مستشفي لان الموضوع تقدر تعالجو بنفسك بس تكون في اراده واتكال على الله واحتسب الامر أجر من الله نصيحتي لكم ان تتركوه وتتعاهدو إلى الله عز وجل بلتوبه من هاذه الحياة المغيبه وابتعدو عن اي صاحب يجركم إلى المعاصي وقت النوم اشرب حبتين سولبادين او اسبرين لها مفعول قوي ان شالله للالم وادعوعلي ان الله يسبتني علا تركه وكرهه اخوكم في الله

    ردحذف
  39. ياجماعة انا بقلى 24 يوم مبطل الزفت دة بس عندى حركة لاايرادية وتنميل كدة ارجو حد يقولى امتى حتروح وفية املا تروح ولا حتفضل عندى كدة عشن انا تعبت من الحركة كل ماقول انا كدة خلص بقيت تمام تجيلى الحركة دى بتفكرنى باالزفت امتى بتروح من الجسم

    ردحذف
  40. ,انا بقي بيتي هيتخرب بسبب السم ده جرتي ادتهوني من عامين دلوقتي باخد في اليوم ٤ حبات ٢٢٥ في اليوم جوزي لو عرف هياخد ابني مني عندي اراده ابطله بس المشكله في اعراض انسحابه عوزه ادويه اخودها تساعدني وازي اخدها فكرت اروح لدكتور بس جوزي هيعرف مكن حد يعرفني اسماء اجيبه من الصيدليه بدون محد يعرف سعدونييييي ارجوكم

    ردحذف
  41. السلام عليكم ورحمة الله وبركاتة
    ان شاء الله وضحلكم اسهل طريقة للتبطيل بدون اوجاع بأذن الله ويارب تجربوها وهى التبطيل المتقطع وهى مش هتاخد اكتر من 5 ايم باذن الله والكلام دة للناس اللى بتاخد 3 حبيات او اكتر كل يوم اما لو بتاخد اقل من كدة فياريت تقلل الكمية عن اللى انا هقولها وهنبدا كالاتى
    اول يوم : هناخد الرتمدول على 3 جرعات متساوية ولكن بعيدة عن بعض بفترات كلاتى بعد الفطار هتاخد ثلاثة تبع حباية او نص حسب قدراتك وطبعا لك ما اكن قليل يبقى احسن ثم بعد 5 او 6 ساعات اخد جرعة تانية بنفس الكمية او اقل حسب طبعتك وبعدها بفترة 5 او 6 ساعات برضو او اكتر هاخد الجرعة الثالثة وطبعا بعدها هنام
    تانى يوم باذن الله هصحى من النوم فى شوية زهق لكن مفيش تعب هبدا اول جرعة فى حدود 12 الظهر او واحدة ودة للناس اللى بتصحى بدرى اما لو صحيانك متاخر تاخدها متاخر اكتر من كدة بكتير
    وفى اليوم دة مش هناخد غير جرعتان فقط لا غير يعنى تانى جرعة هتبقى متاخرة اوى على قد ما تقدر بعد الاولى باكتر من 8 ساعات على الاقل
    تالت يوم صدقنى هتصحى طبيعى جدا جدا اة فى اوقات هتحسى بقريفة ( اريفة ) لكن عادى اشغل نفسك باى شىء وساعة التعب اوى خد جرعة صغيرة عن اللى كنت بتاخدها اول وتانى يوم يعنى نصف او ربع قدرت تكمل اليوم على جرعة واحدة تمام تعب فى اخر اليوم مش مشكلة خد الجرعة التانية
    رابع يوم مش هناخد غير جرعة واحد وصغيرة مش اكتر من نص مهما كانت الظروف
    وخامش يوم هبقى باذن الله تمام ولو حسيت بتعب فى الارجل خد ربع حباية ودى هتكون اخر ربع حباية ان شاء الله ( انا ذكرت تبع الاراجل بس لانى عارف ومجرب طبيعة التعب دة ام الاريفة او الاعراض التانية الواحد يقدر يتغلب عليها وخصوصا الاحساس بان الانف بجيب مية كتير مش مشكلة كانى عندى دور برد ) مش هقولك مفيش تعب فى الطريقة دى بس تعب بسيط جدا جدا من حكاية التبطليل مرة واحد
    ة او انك تخف الكمية كل يوم لان التجربية الاخيرة فاشلة عشان المدة هطول وهضر اخد اكتر والا استفسار انا تحت امركم على الياهو loveas82@yahoo.com
    ,وربنا يشفى كل مريض ويوافكم يارب

    ردحذف
  42. اللسلام عليكم انا بتعاطي من 3سنوات وعايز ربنا يكرمني وطلع من هزا الشي

    ردحذف
  43. المشكله انى بحس بزغلله فى العين ووجع فى المفصل الجسم وعدم التركيز اعمل ايه

    ردحذف