حباية الترامدول ب5 جنيه

احدى المرات كنت اقف مع اصدقائى وتقريبا هوه ده السبب فى انشاء المدونة ...وبعدين كنت اول مرة اسمع عن ايه هوه الترامادول وسمعت صديق لى بيقول ان حباية الترامادول وصلت 5 جنيه فقلت حباية ايه دى قالى لا متخدش فى بالك ...فبحب الاستطلاع ذهبت لصديق لى وهو صاحب صيدلية وسألته عن ما هو الترامدول قالى دا دواء جدول قلتله يعنى ايه جدول ...ايه لوغرتمات انهارده دى ترامدول ...وجدول...اكيد الموضوع فيه سر المهم فهمت ان الترامدول هو دواء مسكن عالى جدا بينسيك ابوك وامك والدنيا كلها حتى نفسك...وعلى فكرة كنت اقدر اشترى العلبة كلها وتحتوى على 2 شريط بهم 20 حبة بمبلع 15 جنيه وكان اغلى نوع يعنى التجار فى السوق السودة هيشتروا الساحال الشمالى ان شاء الله 20 حبايه* 5=100 جنيه اطرح 15 جنيه ثمن الشريط يعنى مكسب 85 جنيه فى العلبة الواحده يعنى لو باع فى اليوم 12 علبة يكسب الف جنيه ...عمار يا مصر التجارة شطارة